May 16, 2010
-Paul-
Kahapon ko pa ka-text si Junie. Ok naman siyang katext kaya lang parang madaling matapos ang isang topic. Hindi kasi siya nagtatanong, puro lang sagot. Puro tapos. Parang hindi naman ata siya interesadong makipagusap sa`ken. Nung tinanong ko tungkol sa acads niya, sabi lang niya--"ok lang." Anu na sunod na itetext ko? "Ahh..."?
Hindi ko mapigilang ma-bwiset sa sobrang iikli ng sagot niya. Naiirita ako kasi gusto ko siya yung maging sabik na makilala ako. Tingin ko, hindi siya mahilig magtext. Pero yung mga babaeng tulad niya, marami sigurong nakikipagtext sa kanya. Ha! Siguro maraming katext! Boyfriend? Si Drew mismo nagsabing wala siyang boyfriend. Anu ba! Ba't ko ba iniisip `tong bagay na to...
*beep!*
---
Text to: Paul Sorez
Ei. wala q bf. kw? may gf k db? sbi ni mika.
Text from: Junie Vera
---
Mika?! Kapatid ni Drew?? E pano naman niyang nasabing may gf na ako...
...
Drew!!!
Si Drew talaga--kung anu-ano pinagsasasabi. Pinapahirapan talaga ako nung taong `yun. Huh. Kayang-kaya ko naman gantihan sa training, pero hindi dapat. Hiwalay ang personal sa training. Sagrado ang training; doon lang ako nakakapagfocus. Realidad? Mahirap takasan, pero habang nasa training ako, pakiramdam ko, natatakasan ko ang realidad.
---
Text to: Junie Vera
haha. la aqng gf. wg k mnwala sa knila.
bc aq lgue e.
ppnta k b ult kna drew?
Text from: Paul Sorez
---
Sent.
Kahit papaano, pwede naman akong maglibang paminsan.
o-o-o-o-o
May 16, 2010
-Junie-
Text to: Paul Sorez
hmn, lgi na aq ppnta kna mika.
pro lst wk lng kta nkta. lgi k b nsa knla?
pnta aq s wed. kw?
Text to: Junie Vera
---
Hay buhay. Kakaiba talaga feeling kapag may new-found friend. Nasasabik ako sa mga reply niya. Napapaisip ako sa mga sagot ko. Minsan feel kong magtaray. Lagi namang ganun kapag guy katext ko. Napapairing ako sa kakornihan. Si Paul? Parang may gusto akong alamin. Siguro boredom lang talaga `to. Gusto ko lang may maiba sa buhay kong napaka-monotonous. Ang bagal nga lang magreply ni Paul. Nakakainis.
o-o-o-o
-Paul-
Text to: Junie Vera
ah. uu, lgi kmi tmbay kna drew. mjo close n
nga kmi ni mika e. srap asarin. bespren mo un db?
Text from: Paul Sorez
---
Ano kaya gagawin ko ngayong araw na ito? Nakapagsimba na ako kagabi. Nakakakonsensya nga e, hindi ako nakapagconcentrate, panay text ko kasi. Ang tagal ko nang hindi nakakapagtext ng ganitong katagal. Dyahe naman, magkaiba kami ng network. Hindi ko siya matetext bukas.
Pasalamat na lang ako sa weekend promo na 'text any network' ng Talas®, natetext ko siya ng ganito. Magastos kaya 'tong babaeng 'to? P'ano kung mauwi sa date? Wala akong pera. Tae, nakakahiya. Problemahin ko na lang pag dumating. Pwede ko naman pakiramdaman, kung konya masyado, hindi ko na lang itutuloy. Sayang lang panahon at pera ko.
Hindi pa dumadating ang araw na nagkagusto ako sa babae na handa akong magsakripisyo. Phbft! Hinding-hindi darating `yun. Sino ba namang taong may matinong pag-iisip ang magsasayang ng pagod sa isang babae? Mahinang-loob lang ang aabot sa ganun, at hindi ako `yun.
o-o-o-o
-Junie-
Close sila ni Mika? Never namang nabanggit sa akin ni Mika na may kilala siyang Paul, a. Tanong ko kaya si Mika? Di, huwag na lang, mabubuking pa ako na katext ko si Paul. Sabi ko pa naman sa kanya na wala akong pakialam sa mga kaibigan ng kuya niya.
---
Text to: Paul Sorez
tlga? close kau ni mika? gano kclose?
Text from: Junie Vera
---
Ano kaya gagawin ko today? Magsisimba pa ako mamaya. Family day nina Vincent ngayon. Tawagan ko kaya si Robert? Si Mika kaya, busy? Hayyyy! Sana magpasukan na! Nakakatamad na talaga `pag walang magawa! Nood na nga lang ako ng TV.
*beep*
---
Text to: Junie Vera
ndi kmi gnung kclose. kuya lang nya.
tray kc nung frnd mu e.
Text from: Paul Sorez
---
Ah, hindi pala sila close. Ano ba 'to, ano naman irereply ko sa text niya-- "ahhh..."? Hay. Huwag ko na lang kaya reply-an. Manonood na lang ako ng TV.
(makalipas ang 5 minutes)
---
Text to: Paul Sorez
ah. gnda ni mika, nu? type mo?
Text from: Junie Vera
---
Arrrggghhh!!! Bakit ko siya tinext?!?!
o-o-o-o
-Paul-
Hahahaha. Nakakatawa naman `to. May gusto ba ako kay Mika? Hmn? May ichura nga naman siya. Hindi ko nga lang siya type. Hmmm... sabihin ko kaya sa kanya na crush ko si Mika--tingnan natin kung ano reaksyon.
Huwag na lang, gagawa pa ako ng issue. Aasarin pa ako nina Drew. Baka hindi na ako tantanan ni Mika. Pakiramdam ko pa naman may gusto `yun saken. Pasulyap-sulyap, nahuhuli ko naman. Kailangan na talagang mag-iba ng style ng sulyap mga babae, nahahalata ko na masyado e. Hindi na talaga challenging.
---
Text to: Junie Vera
ndi, iba type q.
Text from: Paul Sorez
---
Junie... ano kaya type niya? Parang gusto kong tanungin, pero ayoko pa, masyado pang maaga magtanong. Ayoko magmukhang sabik kasi hindi naman talaga ako nasasabik. Magmemeditate na nga lang muna ako, mamaya ko na siya itetext. Dadating na sina Ate galing simba. Magluluto muna ako.
Mamaya na tayo magusap, Junie. Paniguradong hihintayin mo naman ako, e.
o-o-o-o
May 17, 2010
-Junie-
Tumawag ako kay Alfred kahapon. Tatawagan ko sana si Robert, kaya lang busy phone nila. Matagal nanaman akong nakipagusap kay Alfred. Hahaha. Puro kalokohan lang naman pinagusapan namin e. Ang dami ko nanamang nalaman. May gusto pala talaga sya kay Ekay, akala ko biru-biro lang `yun. Pagkatapos n`un, nakatulog na ako. Madaling araw na nung nagising ako. Hindi ko na nareply-an si Paul. Alam ko tapos na rin naman ang 'weekend txt any1' ng Talas. Haha. Ba't kaya Talas pa yung network na napili niya. Dapat Mundo na lang. Ang dami kong katext na Mundo, e. Pero sabagay, mas maganda naman `yung promo ng Talas. May 'weekend txt any1.' Loyal na kasi ako sa Mundo, mahirap nang bumitaw.
Anyway, wala rin naman akong mapapala kung itetext ko siya ngayon kasi malamang hindi ako rereply-an nun. Magkita na lang kami sa Wednesday, if ever.Nakwento ko rin kay Alfred `yung encounter namin ni Paul. Tinanong niya saken kung paano na daw si George.
Si George?! Ahahaha! Hay naku! Hindi ko talaga siya gusto. Mabait siya, matalino, entertaining, pero wala sa kanya ang hinahanap ko. Pati gusto ko rin naman `yung may ichura. E, si George… hindi ko talaga siya type—ichura-wise.
Well, anyway, gusto ko lang naman maiba. And, besides, hindi ko naman sineseryoso si Paul—we just met! Hahaha.
Oh well, whatever.
Disclaimer: This work is highly fictional. All names, places, or events are figments of my imagination. Anything familiar is purely coincidental—because I said so. -mhaby
No comments:
Post a Comment